www.chhawkhlei.com

Ni 3.5.2012 khan Sangau SDO(C) & BDO Office Chamber ah tun thla chhunga neih tur Economic & Caste Census chungchangah Enumerator mi 17 leh Supervisor mi 4 ten Final round training an nei.
He training hi Pu.LC.Hmingthanga (Inspector of Statistician) in hun kai hruaiin, Sangau SDO (C) & BDO Pu.Ralzidinga Ralte in thusawina hun a hmang bawk. Training hi Sangau RD Block APO Pu.Robert Vanlalnghaka (Master Trainer) in a neih pui a ni.
He Economic & Caste Census hi Sangau Block chauh nilovin Mizoram hmun dang zawng zawngah pawh neih vek a ni dawn a, Sangau Block huam chhung bik hi tun May thla chhung ngei hian zawh fel hman tum a ni.
He Economic & Caste Census ah hian chhungkaw hrang hrang dinhmunte chipchiar taka chhinchhiah a ni dawn a, zawhna hrang hrang leh Sorkar aiawha hnathawktute tha taka an zawhnate lo chhanga lo tanpui turin mipuite kan in ngen a ni.
He Economic & Caste Census hian UID leh General Census (Nikum lama neih tawh) nen inzawmna engmah a nei lo a, ahlauhawm loh a ni tih mipuite kan inhriattir a ni.

Sangau Town Area (Sangau, Sentetfiang, Thaltlang & Pangkhua) Govlt Middle School te chuan Dt.14.5.2012 atang khian Sangau-II Playground ah Zonal Sports an nei dawn. He Zonal Sports ah hian Items hrang hrang ah Middle School Naupang ten infiamna leh inelna an nei dawn a, a pumpuia titha ber school, pakhatna in Rs.1000/- an dawng ang a, Pahnihna in Rs.700, Pathumna in Rs.500 an dawng dawn a, heng bakah hian Items hrang hrang (Individual) ah te lawmman siam a ni bawk dawn a ni. He Zonal sports neih tur chungchang ngaihtuah hian nimin khan Sangau Town Area Middle School Hotute chu Gov’t Middle School Sangau-II ah an thukhawm a ni.

Sangau a Salvation Army Kohhran Biak In leh C.O Quarter chu nimin Dt.3.2.2012 khan Col. Lalngaihawmi Eastern Territorial Commander in a hawng. He Biak In hawnna ah hian Salvation Army Kohhran hruaitu Maj. Lalfakzuali leh Lt.Col Thanhlira te, Aizawl leh lunglei lama Salvation Army members thahnemtakte bakah Saiha bial Salation Army Songster ten an rawn tel pui a ni.

He biak in leh C.O (Commanding Officer) Quarter te hi Rs.550,000 (Nuai nga leh Sing nga) senga sak a ni. Kum 2009 April ni 25 khan Sangau ah hian Salvation Army Kohhran hi a ding tan a ni.
(Chhawkhlei Times Sangau Block News Service)

Dt.2.3.2012 khan Central Institute of Horticulture (CIH) , DAC, Ministry of Agriculture, Gov’t of India, Meziphema, Nagaland leh All Mizoram Farmers Union te thawh hona in Sangau ah Farmers training neih a ni. He training thupui atan hian ‘Rejuvenation of Senile/Unproductive Orchard’ tih hman a ni.

He training hi Sangau-III Community hall ah tukin dar 11 a…tang khan neih tan niin Sangau-I, Sangau-II, Sangau-III, Cheural, Lungtian-I leh Lungtian II Village Council huamchhung atangte in AMFU members te an tel tha hle.

He training ah hian Pu.Joseph H.Thanzuala (Vice President AMFU Gen.Hqrs. Aizawl) leh Pu.Zion-remruata (AMFU Gen.Secretary) ten thusawina hun neiin he training hi an hmanpui ani.

AMFU Members mi 125, TDF Project hnuaia Serthlum chingtute hnenah Sinpaulin thachi 1 theuh pek an ni. Heng bakah hian AMFU members te tan Bal hla kual chi bul khat Rs.10 zel a pek an ni bawk.

Mizoram pumah AMFU hian Branch 730 chuang neiin Sangau Division chhungah hian AMFU Branch 19 a awm mek bawk.

Blue Mountain Higher Secondary Sangau ah heng hna te hi a ruak a, Dil duhte tan Dt.14. March 2012 ah GBMHS Sangau ah Interview  neih a ni ang.

Subject Post No. Pay

Mizo Lecturer 1 7000 (Fixed)
History Lecturer 1 7000 (Fixed)
Education Lecturer 1 7000 (Fixed)
Economics Lecturer 1 7000 (Fixed)
P.A Lecturer 1 7000 (Fixed)

Hrechiang duhte tan :-
9862124736/9402521057

Lungtian VC, YLA leh LWA Joint committee thuchhuak Dt.6.2.2012 a tarlan angin Lungtian ram chhunga Lui ah te Tur, Bomb, Dynamo, Chinai, Lenkhang (Sangha kai tur dan) hman an khap a. Heng phal loh/khap thil tilui an awm chuan cheng 3000 atanga cheng 10,000 thleng chawitir an ni ang. Ram leh khawtlang that zawkna atana he an rorelna hi mipuiten ngai pawi mawh a zawmsak turin an ngen a ni.

Chief Minister Pu.Lalthanhawla chuan karleh Inrinni Ni 19-20 chhung khian Sangau a rawn tlawh dawn a. Pu.Lalthanhawla hian Phawngpui National Park a tlawh bawk dawn. Vawiin Sunday tlai Dar 2 ah khan Emergency Meeting SDO (C) Chamber ah Reception Committee Meeting neih a ni.
He Committee hian Chief Minister hi Sangau-II Playground ah hmuah ni se tiin a rel. Pu.Hawla hian …Vehicle pangai hmangin Sangau rawn luh a tum a, Phawngpui National Park panna kawng pawh cheithat/siamthat tur a hmalak mek a ni. Pu.Lalthanhawla hnenah hian Darzo Kai Tuipui Lei (Bridge), Sangau SDO (C) Post nghet zawk a dah leh Indo-Myanmar Trade Saisih chhuah atanga Burma ram chhung a kawng laihhna kal pui mek chungchangte CM hnenah hian chak zawk a hmalak anih theih nan dilna siam ani ang. Pu.Hawla hian Thawhtan zing ah Saiha lam panin Sangau a chhuahsan leh ang.
Sangau mai bakah Sangau Town Area Village Council Pangkhua, Sentetfiang leh Thaltlang te pawh Chief Minister hmuahna ah hian tel vek tur a beisei kan ni a, Kan CM hi a remchang thei anih chuan VC Sangau, Thaltlang, Sentetfiang leh Pangkhua ten an zawn dawn ani. He hmuahna hun hi Sangau Civil SDO Pu.Ralzidinga Ralte MCS in akaihruai anga, Welcome Speech Pu.F.Vanlalawma VCP Sangau-II & President Sangau Block VC Association in a sawi bawk ang. Compere atan Nl.H.Ramsangliani ruat a ni. Security lam pawh uluk leh khawng taka neih beisei a ni.

PANGKHUA AH DISTRICT CRUSADE NEI DAWN

Ni 24-27.11.2011 hian Pangkhua ah UPC (I) District Crusade neih a ni dawn a, Speaker atan Evan.H.Vanlalhruaia, Aizawl hman ani ang. District hmun hrang hrang atangin mikhual hual thleng khawm tur a beisei a ni.

THALTLANG AH BKHP KHAWMPUI

Dt.18-20.Nov.2011 chhung hian Baptist Kohhran Hmeichhe Pawl (BKHP) Phawngpui North Pastor bial te chuan Thaltlang ah Bial khawmpui an nei dawn. Speaker atan Rev.C.Lalruatthanga (Bialtu Pastor hlui) hman a ni ang. Thupui atan ‘Siam thar lehna’ tih hman ani dawn bawk. He inkhawmpui ah hian hruaitu thar thlanna leh rorelna neih a ni dawn a, Sangau BCM Zaipawl te pawh an tel beisei a ni.

LIKBK LUNGTIAN PASTOR BIAL INKHAWMPUI

LIKBK Lungtian Pastor bial te chuan Dt.10-13.Nov.2011 chhung khan Vartek ah Bial khawmpui an nei. Speaker atan Rev.C.Lalthangzuala (Bialtu Pastor) hmangin thupui atan ‘Chhandamna hi mi zawng zawng tan ani (Rom 10:13)’ Lungtian Pastor Bial hian Nov. 2010 – Oct. 2011 chhung khan Rs.15,43,883 thawk chhuak in Kohhran Member 1734 awmin chhungkua 282 an awm mek.